SOCIO DE HONRA do LICEO DE OURENSE

No mesmo acto presentación do libro: "Marcos Valcárcel:Ovalor da xenerosidade.Homenace dos Amigos"

O liceo foi unha Festa
Estaban todos os amigos e os ausentes tamén se sentían
O que sementou :Ensino...democracia..liberdade.../Recolleu o mellor froito:O Cariño ,Amizade e recoñecemento da súa labor
A iso soaron os APLAUSOS que Marcos recibiu

A secuencia das fotos: Comeza o Acto, Entrega da Placa, O libro amosado por AV Monxrdín, Presente o ALCALDE , o final Viño e faladoiro...Amigos,Blogueiros de "As uvas".Trío de Peso,
Compañeiros, e Salón ateigado acompañando a Marcos.

Medalla Castelao para Marcos Valcárcel

Entregaráselle o 28 de xuño
Medalla Castelao para Marcos Valcárcel
Redacción (A nosa Terra) . O profesor e escritor ourensán, que foi recentemente homenaxeado na Cea dos Escritores da AELG, e levou tamén o IV Premio Pen Clube Voz da Liberdade, será o próximo persoeiro en recibir este galardón co que a Xunta de Galicia distingue a obra literaria, artística ou intelectual. É colaborador habitual de A Nosa Terra.

Marcos Valcárcel (Ourense, 1958), doutor en Historia Contemporánea, é catedrático de Lingua e Literatura Galegas. O seu traballo de investigación céntrase na historia política do galeguismo en relación con Ourense e a historia cultural da cidade: A prensa en Ourense e a súa provincia (1987); Ramón Otero Pedrayo. Vida, obra e pensamento (1988); A cidade da Xeración Nós (1996); Pé das Burgas. Estudios de historia, literatura e xornalismo (1998); "Ourense, a gran cidade literaria", en A memoria de Ourense (1999); Ourense, craro río, verde sol. A cidade na voz dos seus poetas (2001); Carlos Casares, punto de encontro (2002); etc. Publicou ademais Xoaquín Lorenzo. Vida e obra (Xerais, 2004) e preparou a edición da Poesía en galego de Antón Tovar (2005). Membro correspondente da RAG, forma parte das Fundacións Carlos Casares e Curros Enríquez e dirixe a sección de Literatura do Liceo de Ourense. Colabora nos xornais A Nosa Terra, La Región e Galicia Hoxe. E autor do blog as uvas na solaina.

A Medalla Castelao foi creada no 84 con motivo do retorno a Galiza dos restos de Castelao, o 28 de xuño. Levouna ese ano Ánxel Fole. Despois recibírona Camilo José Cela, María Casares, Fernando Rey, Amancio Ortega, Nélida Piñón, Roberto Verino, Amancio Prada, Pura Vázquez, María Victoria Fernández España, Amancio Amaro, Fernando Ónega, Adolfo Domínguez e o grupo Milladoiro

Este ano: Non que logo Medalla Castelao 2009 ...o que ten OURENSE na Cabeza

O ano pasado nestas datas saía esta noticia:Xosé Lois González : Medalla Castelao 2008





PARABÉNS, o ilustre merecedor do galardón de este 2009 MarcosValcárcel

A Medalla Castelao, que distingue a obra de cidadáns galegos no campo artístico, literario, doutrinal ou calquera outra faceta da actividade humana, foi creada polo Goberno galego en 1984 para conmemorar o retorno a Galicia dos restos de Castelao o 28 de xuño dese ano. Segundo se recoñece no Decreto de creación deste galardón, "a perfección, o simbolismo ou a transcendencia das obras é o reflexo dun traballo conscientemente realizado con entrega e con fe na cultura, na historia e no ser dun pobo". A Medalla Castelao debe servir, pois, de exemplo á obra daqueles galegos que deben ser guía para futuras xeracións que queiran seguir engrandecendo a realidade de Galicia.

Se sabedes cociñar....en A Coruña podedes invitar
En tempos de crises ...todo ven ben

HOMENAXE EN COMPOSTELA .Na Capela do Hostal dos Reis Católicos á entrega do IV Premio Pen Clube da Liberdade a Marcos Valcárcel.

Homenaxe en Compostela
Marcos Valcárcel, premio Pen Voz de Liberdade
Na Capela do Hostal dos Reis Católicos á entrega do IV Premio Pen Clube da Liberdade a Marcos Valcárcel.
Foi un acto cheo de emocións, co salón ateigado de amigos/as de todos os sectores da cultura do país, nunha meirande parte escritores, reunidos para entregarlle ao escritor ourensán un recoñecemento adoptado por unanimidade do xurado, tal e como explicou Gonzalo Navaza, secretario do xurado. Nunha mesa presidida polo galardonado, flanqueado polo director xeral da mocidade e o voluntariado, Anxo Lourenzo, secretario de Política Lingüística, Roberto Varela, conselleiro de cultura, Luís G. Tosar, Xesús Alonso Montero e Bieito Iglesias, desenvolveuse un acto que se convertiu por parte de todos os intervinientes nunh auténtica defensa da cultura e a língua galega.
Lembrábao onte o escritor e amigo Bieito Iglesias, quen achou no estilo de Vicente Risco o correlato desoutro xeito valcarciano de dicir e narrar: "pluralidade de intereses, serenidade e ausencia de afectación". Valcárcel, -que onte se adscribía á Xeración ERGA, así nomeada por Xosé Miranda- declarouse -tomándolle tamén as palabras a Modesto Hermida- un "xornaleiro da cultura", no ronsel dos grandes mestres -Cuevillas, Piñeiro, Casares, Fiz Vergara Vilariño, tamén seu pai Fiz Valcárcel-, os mesmos que alentaron a súa obra e o seu pensamento no que, para o académico Alonso Montero, sobrancea a "virtude da ponderación" dos clásicos

Unha cumprida representación do mundo da cultura galega arroupou onte, no Hostal dos Reis Católicos en Santiago, a este incansábel traballador pola lingua e a cultura de Galicia.

O bo home, constante e firme -"un dos máis claros defensores da identidade do noso pobo" en palabras de Tosar-, contou, canda el, coa presenza fraternal de Isaac Díaz Pardo -que lle entregou un lenzo de Antón Lamazares-, os académicos Antón Santamarina, Fernández Rei, Rosario Álvarez, Manuel González, Ramón Lorenzo e Antón Santamarina; políticos como Camilo Nogueira, Ceferino Díaz, Carlos Mella e Xesús Palmou; e amigos e compañeiros da escrita e da vida como Vázquez Monxardín, Manuel Outeiriño, Manuel Guede, Xusto Beramendi, Carlos García, Gonzalo Navaza, Xosé Miranda, Dolores Vilavedra, Anxos Sumai, Riveiro Coello, Rosa Aneiros, Antón Baamonde e Manuel Bragado, entre moitos outros

PREMIO OTERO PEDRAYO 2009, MARCOS VALCÁRCEL

O xurado, á proposta da Deputación de Ourense, decidiu por unanimidade recoñecer o labor de investigación e difusión cultural deste ourensán considerado “punto de referencia do presente e o futuro da cultura galega”
O xurado do “Premio Ramón Otero Pedrayo 2009”, reunido ONTE en Ourense, acordou outorgar o galardón ao historiador e escritor ourensán Marcos Valcárcel López. A decisión unánime do xurado foi decidida trala proposta realizada polo Presidente da Deputación provincial de Ourense, José Luis Baltar, que defendeu a candidatura de Marcos Valcárcel por tratarse dun recoñecido persoeiro, “punto de referencia do presente e o futuro da cultura galega”.
Na decisión do xurado tívose en conta a longa traxectoria de Marcos Valcárcel como investigador, erudito e divulgador, ás que se unen outras disciplinas como dinamizador cultural, xornalista de opinión, ensinante e conferenciante. En opinión do xurado este galardón outórgase “a unha vida dedicada á cultura e ao coñecemento ao que se une un talante aberto, dialogante, galeguista e, en definitiva, universal, que posúen a súa obra e a súa persoa”.