![](https://blogger.googleusercontent.com/img/b/R29vZ2xl/AVvXsEgOB4k74iBHGkXZ064SxzSTXHQ75wAMnL39wd1Anpch5pfqb7-TayD66oachzc8Amq6Oc17KUz-VdJFawuAPXCBjl7IMCa6b5oU_ba1cfxPlQOyLU9pGQSCAXhhjErl09BZ7Qd0D3aoFlD1/s400/SIMIOS_NACIONALISTAS%5B1%5D.jpg)
![](https://blogger.googleusercontent.com/img/b/R29vZ2xl/AVvXsEivF6q5auQSBZpqAu4y-1gwftVTOcF2mQeHYrbX4e3nEIq-IC14TI55flIGj7B-tp6RBhr6dLe7Lz92uJ315TCQOFFKkKn0e-o8vgOkoTR5JdggwLKad7G2Q_v4SeinP5V7H-6UAFlhtys0/s400/tiradavila270109blog%5B1%5D.jpg)
ANDOLIÑA
Cidadáns preguntóns
MARCOS VALCÁRCEL
Cando menos hai que recoñecerlle a Rodríguez Zapatero certo valor por acudir ó programa dos cen cidadáns preguntóns. A maioría das preguntas tiveron o seu interese e moi escasa condescendencia co presidente: un equipo escollido de xornalistas e columnistas non o faría mellor. Palpábase o cabreo popular, fillo da forte crise, e os convidados foron directamente ós problemas, sobre todo económicos, que afectan a boa parte da poboación. Había dramas humanos no plató e Zapatero non tiña outra que escoitar e reconfortar todas as voces queixosas.O presidente domina a retórica e alguén lle dixo que non dese cifras nin datos para non meter o zoco: el tampouco sabe cando vai rematar a crise. Fixo un esforzado exercicio de vontade e esperanza, pero sen concretar case nada. Víuselle acurralado cando foi interpelado polos cartos concedidos ós bancos e tamén polas armas que España vende a países en guerra que non respectan os dereitos humanos. Faltoulle, nestes casos, capacidade de reacción e tamén credibilidade. Estes programas estúdanse nos laboratorios dos partidos. Seis millóns e medio de persoas optaron por non desconectar e escoitar a Zapatero: quizais ese foi o seu maior éxito.(Galicia Hoxe:28-01-2009)
![](https://blogger.googleusercontent.com/img/b/R29vZ2xl/AVvXsEg5mneOiKru8UI0Lw09lK62OUEeERITgWH5SRhyAzoj-OUrT_xXdKLi7SI49fX8fV5OdRBIo3R0bKSa7M9FVM1F7xDE0yF2_xNbtCWsElN6etdzZeAWN1RfATSR_p2LAJILn7TkR4Mx9qPP/s400/09-01-26calmachicha%5B1%5D.jpg)
No hay comentarios:
Publicar un comentario